Hindi naman talaga madaling kalimutan ang nakaraan, lalo kung malaki ang naging epekto sa kasalukuyan.
Sa kabila naman, may punto sa buhay natin na natatakot tayo sa maaaring mangyari kaya hindi natin sinisimulan ang mga gusto nating gawin.
But here is what I have learned in life:
IWAN NA NATIN SA NAKARAAN ANG NANGYARI NA
Hindi na natin mababago at mababalikan pa ang mga naganap na. Ang maaari na lamang natin gawin ay gawing aral ang mga karanasan natin.
Kahit alam nating gawin ito, minsan nadadala tayo ng ating emosyon at alaala kaya nagiging malungkot ang ating kasalukuyan.
Kaya hayaan ninyong sabihin ko sa inyo na “Move on na.”
May present na, kaya huwag na nating sayangin ang magandang pwede pang mangyari.
Isipin din natin na
HUWAG MATAKOT SA KUNG ANO ANG MANGYAYARI
Kahit mahirap hindi matakot, subukan nating gumawa ng isang bagay na mas magpapalawak ng ating karanasan.
Mahalin natin ang mga pagkakataon na mayroon tayo ngayon imbes na laging problemahin ang future.
Hindi ko naman sinasabi na huwag nating pagplanuhan o isipin ang future, dahil mahalaga na mapaganda natin ang ating buhay para may magandang legacy tayo.
Pero huwag kalimutang
MAG-FOCUS SA MAHALAGANG NANGYAYARI
Pahalagahan natin ang bawat milestone ng buhay ng ating pamilya at kaibigan. Maganda man o hindi; masaya man o hindi; dapat ay napapaalala nating kapiling natin sila.
Ito ang mga pagkakataon na mas nagbibigay kahulugan sa bawat araw na gumigising tayo.
Huwag nating hayaan na dumaan lamang ang pagkakataon na hindi natin maparamdam ang ating pagmamahal.
“Today is Present and it is a Gift that we open each day.
So every day we have reasons to be happy all the way.”
Chinkee Tan, Filipino Motivational Speaker
THINK. REFLECT. APPLY.
- Anong aral ang natutunan mo sa iyong karanasan?
- Paano mo pinaplano ang iyong buhay?
- Sinu-sino ang mga taong nagpapasaya ng araw mo?
Follow my Social Media accounts for more inspirational content, new products, and promos.
Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/
Chinkee Tan is a Wealth Coach, Keynote Speaker, and Best-selling Author on personal finance and wealth management. He has written 16 best-selling books and counting. His mission is to equip millions of Filipinos to be free from financial stress & experience financial freedom.