Single Blog

Paano Mo Malalaman Kung Ikaw Ay Tunay Na Galante?

ang tunay na galante ay tumutulong hindi para magpa impress kung hindi para tumulong talaga

“Sagot ko na ‘yan.”
“Sige lang, friends. Sky???s the limit!”
“Ako na ang bahala. This one???s on me!”
“Dali, order lang. Huwag kayong mahiya.”

Malamang sa malamang, eh pamilyar na tayo sa mga salitang iyan.

Galante ka bang masyado sa iyong pamilya, kaibigan, o ka-opisina?
Sa halip na ipunin ang panggastos, all-out ka pagdating sa ibang tao?
Walang masama sa pagiging mapagbigay, basta may naitatabi ka
para sa iyong pamilya.

Ang tunay na GALANTE ay marunong magtira para sa sarili.
Alam nila kung saan lang dapat ilaan ang perang pinagpaguran.
Alam rin nila kung sino ang dapat nilang tulungan.
Okay lang kung ito???y makakatulong sa iba, pero dapat tama ang ating motibo sa pagtulong.

Ang pagtulong ay hindi dapat para…

  • Sa pagmamayabang.
  • Sa pagpapakitang-tao.
  • Makuha ang loob ng ibang tao.

…hindi na ito maganda.

Okay lang naman kung napapasaya, nakakasama, o nakaka-bonding natin sila – maliban nalang kung ito na lang palagi ang ginagawa natin.

Kung ang goal ay MAGYABANG at MAGPA-IMPRESS lang, doon na tayo magkakaproblema.

Darating ang panahon, mauubusan ka rin ng pera at walang matitira sa iyo.

Ang tunay na galante ay hindi kailangan magpa-impress. Hindi niya kailangan ipaalam sa iba ang pagtulong niya, dahil ito ay nanggaling sa puso.

Ang tunay na galante ay SECURE sa katayuan ng kaniyang buhay. Hindi siya apektado kung ano man ang sinasabi at opinyon ng iba. Hindi siya pressured na magbigay at magpakitang-tao. Magbibigay siya dahil ito ay kailangan at hindi para ipagmalaki sa mundo na may nagawa siyang kabutihan.

Ang tunay na galante ay mayroong “SENSE of TIMING”.
Alam niya kung kailan siya tutulong at kailan hindi.
Alam niya kung gaano kahirap kumita ng pera at hindi siya pabaya.

Tandaan, walang masama sa pagtulong. Pero kapag ginagawa ito dahil sa kayabangan at kahit walang plano at pera, tiyak na isa lang ang ending: ubos ang ipon at walang pera.

At sigurado rin ako, IT WILL BE A PROBLEM kapag nagpatuloy pa ang ganitong habit. Galante man o hindi, you should learn how to save and budget – this will be our weapon, so we can live a debt-free life and gain financial freedom in the future.

Sige ka! Baka dumating ang araw na maubusan at mawalan tayo ng tuluyan.

THINK. REFLECT. APPLY.

Galante ka ba?
Sa paanong paraan ka nagiging galante at kanino? Bakit?
Umabot na ba sa puntong wala nang naiiwan sa iyo dahil sa pagtulong?

Comments (0)

© Copyright 2016 - Team Chink Positive - All Rights Reserved Designed By LGA
GET YOUR VIDEO NOW!

Enter your email address below and we'll send you your video through your email.
GET ME THE VIDEO!
We promise we will never spam you. We hate spam
close-link

Get Coached by Chinkee Tan From Wherever You Are!

DOWNLOAD THE APP NOW!
close-link