INIT ULO?

Naku malamig na ang simoy ng hangin pero bakit parang napakainit na naman ng ulo mo? Anong problema?

Alam n’yo mga friendship, nagsasayang lang tayo ng energy kung papainitin natin palagi ang ating ulo. Kailangan alam natin kung paano pakalmahin ang ating sarili mismo.

Ano ba ang ugat ng pagkainit ng ulo natin?

NAISAHAN TAYO? FEELING NALOKO?

Naku alam na alam ko ‘yan. Yung feeling natin na nagbayad naman tayo tapos ganito yung service? Yung feeling na “hindi ko ito deserve”.

Friend, inhale exhale muna tayo. Walang perpekto sa mundong ito. Kung anuman ang problema, hanapan ito ng solusyon.

Halimbawa na lamang, biglang nawala ang internet, humanap ng back up plan gamit ang ibang network. Kung kinakailangan pumunta sa opisina o tumawag sa support, gawin natin ito.

May karapatan tayong magalit pero tandaan natin na hindi madadaan lahat sa galit.

EXHAUSTED. FEELING “I DID MY BEST”

Pakiramdam mo ba na parang ikaw na lang ang gumagawa at kumikilos para sa ibang tao? Parang hindi man lang ma-appreciate ng iba ang ginagawa mo?

Ok. Let me just clarify that you’re not a kid anymore. Hindi na ito yung punto na laging may star ang ginagawa nating maganda. Kailangan may sense of responsibility na tayo.

Hindi natin ginagawa ang isang bagay para magpa-impress pero para makatulong sa iba at para magawa kung ano ang tama at kung ano ang mas makabubuti sa nakararami.

Kung talagang bukal sa loob natin ang ating ginagawa, sila mismo ang makapagsasabi na na-aappreciate nila ang ginagawa mo. Hindi mo kailangan ipamukha ito sa iba.

ANO NA NAMAN! FEELING MAGALING?

Naku nakai-stress talaga kapag paulit-ulit tayo ng instructions sa iba ‘di ba? Pero isipin na rin natin na may kahinaan ang bawat isa sa atin. I’m sure ikaw din may kahinaan ka.

So tumulong din tayo sa iba sa paraan na kaya natin. Kahit parang pang-five years old ang approach natin sa kasamahan natin sa trabaho para magpaliwanag, ok lang yun.

Minsan ‘di natin namamalayan na nakatulong pala tayo nang malaki sa iba. Never give up para makatulong sa iba, kasi isipin na lang din natin kung tayo ang nasa sitwasyon nila.

“Kailangan alam natin kung paano kumalma
dahil mahalaga na laging positibo ang ating nadarama.”
– Chinkee Tan, Filipino Motivational Speaker

THINK. REFLECT. APPLY.

• Anu-ano ang nagpapasagad ng iyong pasensya?
• Paano mo hinaharap ang mga taong mahirap pakisamahan?
• Sinu-sino ang mga taong nagpapasaya sa iyo?

 

Follow my Social Media accounts for more inspirational content, new products, and promos.

Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/