SINO ANG HAPPY PILL MO?

Sino ang happy pill mo?

“No man is an island”

Gaano man kagasgas ay ‘di maitatanggi ang ipinaparating ng kasabihang ito.. na sa pag laban ng mga problema, stress at anxiety, hindi daw natin kailangang labanan ito mag-isa. 

DEFINE HAPPY PILL happy

Psychologically speaking, ang ‘happy pill’ ay tumutukoy sa uri ng gamot o pills na nagsisilbing ‘mood booster’ ng mga taong umiinom nito.

Pero para sa iba, ang ‘happy pill’ ay tumutukoy sa isang tao, o mga tao, na makita mo lang kahit saglit ay kumpleto na agad ang araw mo. Sila ‘yong tipo ng mga tao na nakakapag-boost ng mood mo (kahit may mood swings ka!) nang hindi mo namamalayan dahil sa sobrang sayang nadarama mo dahil sa kanila. 

YOUR HAPPY PILL

Actually, kahit sino. Basta kumportable at magaan ang pakiramdam mo sa kanya. 

Kung may kasintahan ka, malamang siya ang happy pill mo. Kahit gaano pa kahaba ang araw mo sa trabaho o school, makita’t makausap mo lang siya ay masaya ka na. Lalong tanggal ang pagod, sa isang akap o halik mula sa kanya. 

Ganun din kung ikaw ay may asawa’t anak. Kahit gaano pa kahirap gumising tuwing umaga, kakayanin mong bumangon para sa kanila. Kahit gaano pa kahirap kumayod at kumita ng pera, kakayanin mong magsumikap pa lalo masuportahan lang sila. Kahit gaano pa kasama ang araw mo sa trabaho, basta asawa at mga anak mong nakangiti ang sasalubong sa iyong pag-uwi, ay talaga namang worth all the pagod ang araw mo!

Pero syempre… #sanaall may lovelife, #sanaall may sarili nang pamilya.

Kung ikaw ay single, pwede mo ring maging happy pill ang bestfriend mo, ang pet mong aso o pusa, o maski na ang mga iniidolo mong boyband.

EFFECTS OF HAPPY PILL

Priceless happiness. Ang iyong happy pill ang magpapadama sa ‘yo ng happiness na hindi matutumbasan ng kung anu-anong materyal na bagay. Dahil basta nandyan sila, alam nating hindi tayo nag-iisa. Kahit gano’n pa man kalupit ang mundo sa ‘yo, at the end of the day, alam mong mayroong taong nariyan para sa ‘yo, para damayan ka, at pasiyahin ka. 

Syempre, hindi lang naman sa mga happy pill nakukuha ang tunay na happiness. 

Happiness starts within you, and your happy pill is there to help you appreciate yourself and your life more. The result? Inspired ka palagi dahil alam mong mas maraming dahilan para mag-fight kaysa mag-give up! 

“Hindi mo kailangang pasanin ang mundo dahil
may mga taong handang tumulong at sumalo sa iyo.”
–Chinkee Tan, Filipino Motivational Speaker

THINK. REFLECT. APPLY

• Sino ang happy pill mo?
• Paano nagdudulot ng happiness sa ‘yo ang happy pill mo?
• Paano ka nagiging happy pill sa ibang tao?

 

For more inspirational content, new products, and promos, follow my Social Media accounts:

Facebook page: https://www.facebook.com/chinkeetan/
Youtube channel: https://www.youtube.com/chinkpositive
Instagram: https://www.instagram.com/chinkeetan/