Marami ang nabigla sa mga kaganapan ngayon sa ating bansa. Ito talaga yung halimbawa ng emergency eh. At lahat tayo ay apektado nito lalo na ang mga taong hindi nakapaghanda.

Marami rin akong na-realize sa puntong ito. Syempre maliban sa kahalagahan ng kalusugan at pamilya, nandyan din talaga ang ipon. Kaya naman naisip kong gawin itong blog na ito.

Sana maging inspirasyon para pagkatapos ng lockdown at ng pandemic na ito mas magkaroon kayo ng malinaw na goal sa buhay.

IPON PA MORE

Alam kong marami talaga ang nami-miss ang mga unli at ang ating mga paboritong inumin na milktea or coffee. Pero sana magsilbing aral ang mga kaganapan ngayon lalo na sa mga hindi talaga nakapag-ipon ngayon.

Ipon pa more ang goals talaga dapat pagkatapos ng lockdown. Ok lang mag-unli o kaya painom-inom, pero huwag n’yo nang hayaan na hindi kayo makapagtabi ng ipon.

INVEST PA MORE

Pagkatapos din, simulan na ang investments. Pumunta sa mga bank at magtanong tungkol sa mutual funds o UITF. Pwede rin naman mag-enroll sa mga seminars para mas maintindihan ang mga ito.

Dagdagan natin ang ating kaalaman tungkol sa investment at huwag nating hayaan na dumaan ang bawat taon na walang nailalaan at naipupundar para rito.

BUSINESS PA MORE

Nakikita naman talaga natin ang kahalagahan ngayon ng iba’t ibang sources of income. Huwag na nating hantayin pa na kung ano na naman ang maganap bago natin planuhin ang future natin.

Huwag nating sayangin ang bawat kita natin sa mga bagay na pansamantala lang. Kailangan isipin natin ang pangmatagalan. Kaya naman maging wise at huwag ulitin ang mga pagkakamali ngayon para hindi na maging GRETa na puro regret sa buhay.

“Dati puro milktea, coffee at samgyup ang trip mo.
Ngayon nakita mo na ba na mahalaga pala ang isang libo?”
– Chinkee Tan, Filipino Motivational Speaker

THINK. REFLECT. APPLY.

• Nakagawa ka na ba ng ipon plan mo para sa future?
• Anu-ano ang mga gustong matutunan upang masimulan mo ang iyong investment?
• Paano mo sisimulan ang business na gusto mong gawin?

For more inspirational content, new products, and promos, follow my Social Media accounts:

Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/