Ang iba sa atin, pang isang buwan na ang pinamili sa grocery para sa pamilya dahil naka-quarantine ngayon. Kaya kailangan i-badyet nang tama ang mga pinamili para magkasya ang pagkain.
Kung hindi ito ang nakasanayan, mahalagang kausapin ang bawat myembro ng pamilya para walang masayang na pagkain at umabot ng isang buwan ang mga pinamili.
Narito ang ilan sa mga tips:
MAGLUTO NANG SAPAT AT HUWAG LABIS
Kung nasanay kayo na laging dalawa o tatlo ang ulam, sa puntong ito, kailangan nang bawasan ito at magluto lamang nang sapat o pwede naman pangtanghalian hanggang panghapunan na.
Kilala tayong mga Pinoy na mahilig sa pagkain. Bonding nga ng bawat Pilipino ay sa kainan ‘di ba? Pero mahalaga na maging praktikal at wais sa pagluluto ngayon.
HUGASAN ANG KARNE AT ILAGAY SA FREEZER
Sa karne naman, dahil mainit na ang panahon, mas madaling masira ang mga ito. Kaya naman siguraduhing mailalagay ito sa freezer. Huwag laging buksan nang buksan ito upang manatili ang lamig sa freezer.
Kapag may pinalambot na karne, huwag na itong ibalik sa freezer uli. Siguraduhing lutuin na ito agad. Maaari namang gisahin muna ito at saka na lamang initin.
KUMAIN KUNG TALAGANG GUTOM
Yes. Hindi dahil marami kayong nakikitang pagkain ngayon eh sige lang, bukas dito bukas dun. Turuan din natin ang ating mga anak na unawain ang sitwasyon ngayon.
Breakfast, lunch, dinner. Yan lang muna tayo. Siguro pwede rin na may merienda, pero iwas na muna sa morning snack tapos may midnight snack pa. Hahaha!
Mahirap kasi kapag labas tayo nang labas dahil baka kung ano ang masagap natin at maiuwi pa sa ating pamilya. Kailangan magtulungan tayo upang malampasan natin ang mga ito at mabalik sa normal ang lahat.
Hindi ibig sabihin na marami kayong pinamiling
grocery eh dapat nang maubos lahat yun.
Tandaan, naka-quarantine tayo kaya
hinay-hinay sa pagkain. Mag-tubig ka na lang
kung nagugutom ka na naman ngayon.”
– Chinkee Tan, Filipino Motivational Speaker
THINK. REFLECT. APPLY.
- Anu-ano ang mga lutuin na hindi madaling masisira ang pagkain?
- Paano ninyo ninabadyet ang inyong pagkain ngayon?
- Nauunawaan ba ng lahat ng myembro ng inyong pamilya ang sitwasyon na mayroon tayo ngayon?
For more inspirational content, new products, and promos, follow my Social Media accounts:
Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/
Chinkee Tan is a Wealth Coach, Keynote Speaker, and Best-selling Author on personal finance and wealth management. He has written 16 best-selling books and counting. His mission is to equip millions of Filipinos to be free from financial stress & experience financial freedom.