Denial King And Queen

Kung ito ang nararamdaman mo, isa lang ang ibig sabihin nito: hindi ka pa nakaka-move on. Kung merong King and Queen of Hearts, Siomai King and Queen, meron ding Denial King and Queen. Sila ‘yung mga hindi honest sa totoo nilang nararamdaman. Iba ang sinasabi ng bibig nila sa laman ng puso at isipan nila.

Ito ang mga sample ng iba’t-ibang klaseng pagde-deny:

“Kumain ka na ba? Tara dito, kain tayo.”
“Ay, okay lang, busog pa ako.”
(Pero deep inside, mamamatay na sa gutom at putlang-putla na ang mga labi.)

“Mahal mo pa ba siya?”
“Hindi noh! Over my dead body!”
(Pero ‘pag mag-isa nalang siya, walang tigil ang pag-agos ng luha dahil mahal na mahal pa rin niya talaga ang tao.)

“Tulungan na kita, baka mahirapan ka diyan.”
“I don’t need help, kaya ko na ito mag-isa.”
(Pero sa totoo lang, hindi na siya magkandaugaga sa pagbuhat ng malaking box.)

“Maganda ba ang boses ko?”
“Oo naman! Ang galing mo ngang kumanta eh!”
(Pero deep inside, alam mong hindi naman.)

‘Yan at marami pang ibang paraan ng pagde-deny. Bakit kaya nakasanayan na ang ganitong habits? Alam niyo ba na merong hindi magandang effects at consequences ito?

Ano ang mga iyon? Ito ang iilan:

NAKAKAHIYA HUMINGI NG TULONG.

Ayaw natin humingi ng tulong minsan kasi feeling natin, tayo ay nakakaabala. Since hindi tayo honest that we need help, people will also not bother to offer help. We cannot expect na malalaman nila agad ang kailangan natin sa isang tingin lang na parang isang manghuhula.

Another is…

FEELING MO, WALANG TUTULONG SA IYO.

‘Pag humingi tayo ng tulong, ang tanong: tutulungan ba nila tayo?
Minsan, ayaw natin mang-abala o makaperwisyo sa ibang tao.
“Makakaistorbo pa ako.”
“Ayokong maging pabigat sa iba.”

Sa totoo lang, hindi naman ito dahil sa hiya.
Minsan, ayaw lang natin lumapit dahil meron tayong PRIDE.

“Tama o sobrang tama?”

Everybody needs somebody.
We need to swallow our pride and admit that we need help.
Kapag panay ang deny mo, hindi mamamalayan…nauubos na ang mga taong concerned sayo at mag-isa ka nalang.

FEELING MO, WALANG MANINIWALA SA IYO.

Bakit? Hindi ka ba nagsasabi ng totoo? Kung nagsasabi ka naman ng totoo, wala kang dapat ikahiya at wala kang dapat itago. Mahirap magtago, magpanggap, at magtakip ng magtakip. Marami naman gustong tumulong, pero paano ka nila matutulungan kung hindi ka nagsasabi ng totoo?

Minsan naman, dahil may reputasyon ka na hindi nagsasabi ng totoo, ito ang mararamdaman mo.
Kapag hindi ka honest, wala talagang maniniwala sa iyo.
Mahirap magtiwala sa taong hindi totoo ang mga sinasabi at nararamdaman. Ayaw nating magtiwala sa mga pakitang-tao lamang. We want to trust people who are true and trustworthy.

If you keep on denying, you can be sure that there are serious consequences. Hindi mo mamamalayan, unti-unti ka nang sinisira nito. Kaya, mga kapatid…never hide your feelings, never live in denial.

THINK. REFLECT. APPLY.

Denial King or Queen ka ba?
Anong mga bagay ang madalas mong i-deny?
Why do you deny those things?