Magpapasko na. Maraming OFW ang nakaplano na umuwi muli para makasama ang kanilang pamilya kaya naman naisipan kong gumawa ng blog na ito.
Naalala ko kasi may isang Iponaryo ang nag-share ng kanilang struggles bilang mag-asawa. Sabi nga n’ya ayaw na n’yang pauwiin ang asawa n’ya tuwing pasko.
Bakit kamo? Kasi kapag uwi, laging laman ng inuman. Naku, mga KaChink. Kailangan, we must…
SET UP OUR GOALS
Dapat alam natin kung bakit tayo pumupunta sa ibang bansa para magtrabaho. Dapat sa simula pa lang ay may goal kung hanggang kailan tayo sa ibang bansa.
Halimbawa ang goal natin ay makapagpatayo ng bahay, dapat sa kada pagpapadala ng ating asawa o anak eh nakalaan talaga dito yung pera.
Hindi natin dapat sayangin o gamitin ang pera sa mga bagay na hindi naman kailangan ng ating pamilya. We need to
BE DISCIPLINED
Kahit gaano pa kalaki ang kinikita ng ating asawa o anak sa ibang bansa, dapat naka-budget kung hanggang saan lamang ang maaari nating gastusin for leisure.
Hindi naman masama ang maging mapagbigay sa ibang mga tao at makisama kapag uuwi rin mula sa ibang bansa. Pero kailangan alam natin kung paano hawakan nang maayos ang ating pera na pinaghihirapan.
Spend more time with your family rin dahil ngayon lang din kayo magkakasama. At syempre, huwag kalimutang magtabi ng ipon para sa retirement. You have to…
LEARN HOW TO INVEST
Hindi naman pwede na habang buhay kayong OFW at kumakayod sa ibang bansa. Habang buhay na hiwalay sa pamilya ninyo. Kailangan it’s either umuwi kayo o isasama ninyo sila sa inyo.
Kaya laging maging wais sa pag-handle ng pera. Matutong mag-invest sa mutual fund, o kaya sa VUL o kaya naman sa stock market o kaya naman ay maaari ding magsimula ng negosyo.
Lahat ng mga ito ay kailangan inaaral natin upang hindi masayang ang bawat panahon na ginugugol natin na malayo sa pamilya.
“Ang pangingibang bansa ay hindi lamang dahil sa kita
kundi para sa pangarap natin para sa ating pamilya.”
– Chinkee Tan, Filipino Motivational Speaker
THINK. REFLECT. APPLY.
- Anu-ano ang mga goals mo sa pagiging OFW?
- Paano mo nadidisiplina ang sarili mo sa paghawak ng pera?
- Sinu-sino ang mga inspirasyon mo sa pag-abot ng iyong mga pangarap?
Invest and do the right thing. Enroll now sa aking online course HOW TO RETIRE BEFORE 50. Check it here https://lddy.no/8vaq
—————————————————
Follow my Social Media accounts for more inspirational content, new products, and promos.
Facebook page: Chinkee Tan
YouTube channel: Chink Positive
Instagram: @chinkeetan
Chinkee Tan is a Wealth Coach, Keynote Speaker, and Best-selling Author on personal finance and wealth management. He has written 16 best-selling books and counting. His mission is to equip millions of Filipinos to be free from financial stress & experience financial freedom.